AGORA GUERRILLA

Agora Guerrilla é o proxecto da Orquestra Galega de Liberación para clubs e salas de concertos: unha proposta de formato reducido que traslada a potencia colectiva da gran orquestra a unha experiencia máis próxima, crúa, punk e directa. A través da condución e da improvisación dirixida, músicos da escena galega crean en tempo real composicións inéditas, imposibles e irrepetibles. Cada concerto é unha estrea absoluta, un ritual sonoro no que o público presencia a música no mesmo instante no que nace. Unha experiencia viva, magnética e imprevisible, pensada para quen procura unha música de vangarda accesible, intensa e profundamente conectada co presente.