EL CARNAVAL ANIMAL

El carnaval animal, de Luz, micro y punto, é un espectáculo de teatro de sombras sen texto, inspirado na peza musical O carnaval dos animais, de Camille Saint-Saëns. Amence no bosque e é un día moi especial: chegou o Entroido. O cuco disfrázase de araña, o cisne de coello moi presumido, á tartaruga sáenlle ás da cuncha, o burro transfórmase en unicornio e o dinosauro vístese de tucán. Todos se preparan para celebrar e bailar, ata que León irrompe na festa cos seus grandes ruxidos. Os animais foxen despavoridos porque lle teñen medo, mais non saben que o maior desexo de León é xogar e facer amigos. No seu camiño polo bosque, atopará outros animais en apuros e non dubidará en axudalos. Unha historia visual, musical e tenra sobre as aparencias, a amizade e a importancia de mirar máis alá do medo. Recomendado para público familiar a partir de 3 anos.